Eguberriak heltzear dira eta urtero bezala Lizarrako Gazte Asanbladak hainbat ekintza antolatu ditu. Eguberri ez komertziala eta kritiko bat pasatu nahi baduzu ez izan duda eta Pinupe Gaztetxera etorri.
Jai egunak direla eta hainbat festa antolatu ditugu. lehendabizikoa Mundu amaieraren festa Abenduak 21ean izango da, eta besteak gau zaharrean (Ab31) eta erregerik gabeko afarian (Ur5).
Jaia bai borroka ere bai esaldiari kasu eginez, eguberrietan ere gure borrokak kaleratu behar ditugu. Horretarako Lizarran eta Euskal herrian egiten ari den Zukgua gazte prozesu eraldatzailearen hirugarren asanblada Pinupe gaztetxean Abenduak 23an izango da. Honekin bat eginez, Lizarraldeko gazte batek, bere izaera independentista eta borroka sozialagatik, Abenduak 19an Auzitegi Nazionalean epaiketa izango du, LI.G.A-tik deia eginen dugu bai Madrilera jeisteko eta baita ere Lizarrako kaleetan mobilizatzeko.
Aurten ere Euskal presoen aldeko elkartasuna lau haizetara zabalduko dugu, bai olentzero egunean, bai azken ostiraleko elkarretaratzean eta baita ere Urtarrilak 12an Bilbon egingo den herri mobilizazioan. jakin ezazue Lizarratik Gazteon autobusa egun osorako aterako dela eta Bilbora goizean joango garela. Beraz animatu eta ohiko lekuetan apuntatu.
Beste aldetik, Abenduak 26an, Pinupe gaztetxean Itziar Zigak idatzitako «Sexual herria» liburuaren aurkezpena izango dugu.
JAIA BAI, BORROKA ERE BAI… ETA SEXUA?
EGUBERRIETAN ETORRI PINUPE GAZTETXERA!!!!